Book Launching “Understanding the Fourth Industrial Revolution”

Book Launching “Understanding the Fourth Industrial Revolution”

Book Launching “Understanding the Fourth Industrial Revolution” 150 150 Cambodia Development Center

កម្មវិធីសម្ពោធសៀវភៅ «ស្វែងយល់ពីបដិវត្តន៍ឧស្សាហកម្មទី៤»

 

ក្រោមមូលបទ «ការសម្រេចបានចក្ខុវិស័យកម្ពុជា ៤.០ ពេញលេញ ចាប់ផ្តើមពីការលើកកម្ពស់ការយល់ដឹងរបស់ប្រជាជន» រៀបចំដោយមជ្ឈមណ្ឌលអភិវឌ្ឍន៍កម្ពុជា បានប្រព្រឹតិ្តទៅយ៉ាងរលូន នាព្រឹកថ្ងៃទី១៤ ខែកញ្ញា ឆ្នាំ២០២១ តាមរយៈប្រព័ន្ធ Zoom Webinar។
កម្មវិធីសម្ពោធសៀវភៅ «ស្វែងយល់ពីបដិវត្តន៍ឧស្សាហកម្មទី៤ នេះ មានកិត្តិយសទទួលបានការចូលរួមជាអធិបតីភាពដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ នៃរដ្ឋសភាព្រះរាជាណាចក្រកម្ពុជា និងជាប្រធានក្រុមប្រឹក្សាភិបាលមជ្ឈមណ្ឌលកម្ពុជា ៤.០ និងការចូលរួមពីភ្ញៀវកិត្តិយសជាច្រើនរូប រួមមាន៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានសហភាពសហព័ន្ធយុវជនកម្ពុជា រាជធានីភ្នំពេញ, ឯកឧត្តម សឹង រេត ទីប្រឹក្សាផ្ទាល់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា, សមាជិកឧត្តមក្រុមប្រឹក្សាសេដ្ឋកិច្ចជាតិ និងជាតំណាងក្រុមប្រឹក្សាភិបាលមជ្ឈមណ្ឌលអភិវឌ្ឍន៍កម្ពុជា, និងឯកឧត្តម ដាវ អានសាន នាយកប្រតិបត្តិ មជ្ឈមណ្ឌលអភិវឌ្ឍន៍កម្ពុជា និងឯកឧត្តម សុខ ពុទ្ធីវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍, លោកជំទាវ ចម និម្មល រដ្ឋលេខាធិការក្រសួងពាណិជ្ជកម្ម, និងតំណាងពីក្រសួង-ស្ថាប័នរដ្ឋ ស្ថាប័នស្រាវជ្រាវ វិស័យឯកជន ភាគីពាក់ព័ន្ធ ស្ថាប័នព័ត៌មាន។
គួរបញ្ជាក់ផងដែរថា សៀវភៅ «ស្វែងយល់ពីបដិវត្តន៍ឧស្សាហកម្មទី៤» គឺជាស្នាដៃស្រាវជ្រាវ និងបោះពុម្ពផ្សាយ​ផ្ទាល់របស់មជ្ឈមណ្ឌលអភិវឌ្ឍន៍កម្ពុជា ជាខេមរភាសា​​ និងភាសាអង់គ្លេស ដែលធ្វើឡើងក្នុងគោលបំណងដើម្បីបង្កើនការយល់ដឹង និងផ្ដល់ជាមូលដ្ឋានគ្រឹះដល់ប្រជាជនកម្ពុជាអំពីបដិវត្តន៍ឧស្សាហកម្មទី៤ និងដំណើរត្រៀមខ្លួនរបស់ប្រជាជនកម្ពុជាឆ្ពោះទៅរកយុគសម័យថ្មីនៃភាពរីកចម្រើនរបស់បច្ចេកវិទ្យា។

Leave a Reply