MORNING NEWS BRIEF [March 09, 2022]

ព័ត៌មានសំខាន់ៗ

1. នាជំនួបជាមួយបេសកជនពិសេសរបស់ជប៉ុន សម្ដេចតេជោនាយករដ្ឋមន្ត្រី បានពិភាក្សាពាក់ព័ន្ធនឹងបញ្ហាមីយ៉ាន់ម៉ា និងមានប្រសាសន៍ថា ទិសដៅដែលសំខាន់នៅពេលនេះ គឺការនាំចេញមកវិញនូវប្រជាធិបតេយ្យជូនមីយ៉ាន់ម៉ា។ ប្រភព៖ សារព័ត៌មានថ្មីៗ
2. ម៉ាឡេស៊ី នឹងលើកលែងការធ្វើចត្តាឡីស័កសម្រាប់ការមកដល់របស់អ្នកដំណើរដែលបានចាក់វ៉ាក់សាំងពេញលេញ ពីប្រទេសកម្ពុជា និងថៃ ដែលចាប់អនុវត្តពីថ្ងៃទី១៥ ខែមីនា តទៅ ដែលជាកិច្ចខិតខំប្រឹងប្រែងរួមគ្នា ដើម្បីបើកច្រកព្រំដែនឡើងវិញ។ ប្រភព៖ ខ្មែរថាមស៍
3. រដ្ឋលេខាធិការក្រសួងបរិស្ថាន បាន​ថ្លែងថាទេសចរណ៍ជម្មជាតិជាចលករមួយយ៉ាងសំខាន់ក្នុងការជំរុញកំណើនសេដ្ឋកិច្ចមូលដ្ឋានព្រោះបានបង្កើតការងារ ផ្តល់ប្រាក់ចំណូលជូនប្រជាពលរដ្ឋ បន្ទាប់ពីប្រជាពលរដ្ឋស្គាល់ច្បាស់ពីតម្លៃទេសចរណ៍ធម្មជាតិ។ ប្រភព៖ AMS News

ព័ត៌មាននយោបាយ

1. រដ្ឋមន្ត្រីក្រសួងមហាផ្ទៃ គ្រោងនឹងបើកកិច្ចប្រជុំ ស្ដីពីដំណោះស្រាវិវាទការងាររបស់ក្រុមហ៊ុនណាហ្គាវើលដ៏ ដែលបុគ្គលិកជាច្រើនបានឆ្លងជំងឺកូវីដ១៩ ជាពិសេស   Omicron ក្នុងអំឡុងពេលពួកគេធ្វើការតវ៉ាជាច្រើនខែ។ ប្រភព៖ ខ្មែរថាមស៍
2. មេធាវីរបស់លោក កឹម សុខា អតីតគណបក្សសង្រ្គោះជាតិ បានទទូចឱ្យបង្កើនល្បឿនសវនាការ ដើម្បីពន្លឿននីតិវិធីសវនាការ បន្ទាប់ពីត្រូវបានលើកជាច្រើនសារ ដោយសារតែការផ្ទុះរាលដាលនៃជំងឺកូវិដ១៩ ក្នុងសហគមន៍។ ប្រភព៖ វិទ្យុបារាំងអន្តរជាតិ
3. គណៈកម្មធិការជាតិរៀបចំការបោះឆ្នោត បានបិទការចុះបញ្ជីបេក្ខជនឈរឈ្មោះបោះឆ្នោត ជ្រើសរើសក្រុមប្រឹក្សាឃុំ-សង្កាត់ ដោយទទួលបានបេក្ខជនពេញសិទ្ធិជាង ៨២,០០០នាក់ នៅទូទាំងប្រទេស មកពីគណបក្សចំនួន ១៧ ។ ប្រភព៖ ខ្មែរថាមស៍

ព័ត៌មានសេដ្ឋកិច្ច 

1. រដ្ឋមន្ត្រីក្រសួងផែនការ ចុះពិនិត្យការធ្វើជំរឿនសេដ្ឋកិច្ចនៅក្រុងដូនកែវ​ខេត្តកាកែវ និងមានប្រសាសន៍ថា ការធ្វើជំរឿនសេដ្ឋកិច្ចមានសារសំខាន់ ព្រោះទិន្នន័យនៃជំរឿនគឺជាធាតុចូលក្នុងការកសាងគោលនយោបាយអភិវឌ្ឍន៍ជាតិ។ ប្រភព៖ BTV News
2. ក្រុមប្រឹក្សាអភិវឌ្ឍន៍កម្ពុជា បានបញ្ជាក់ថា លំហូរវិនិយោគផ្ទាល់ពីបរទេសក្នុងឆ្នាំ ២០២១ មានតម្លៃ ៤,៣៥ ពាន់លានដុល្លារ កើនឡើង ២២% ធៀបនឹងឆ្នាំ ២០២០ ដែលក្នុងនោះមានប្រទេសចិន អាមេរិក និងសិង្ហបុរី ជដៃគូធំបំផុត។ ប្រភព៖ ខ្មែរថាមស៍
3. កម្ពុជារំពឹងថានឹងអាចរកចំណុលជាថវិកាបន្ថែមទៀត ពីការលក់ឥណទានការបូន នៅក្នុងទីផ្សារអន្តរជាតិ ខណៈក្រសួងបរិស្ថានកំពុងដឹកនាំគម្រោងរ៉េដបូករបស់កម្ពុជានៅទំនប់ទេសភាព ខ្ពង់រាបដែលនឹងចូលរួមក្នុងបញ្ជីនៃនិរន្តភាពហិរញ្ញវត្ថុនៅពេលខាងមុខ។​ ប្រភព៖ ភ្នំពេញប៉ុស្តិ័

ព៍ត៌មានសង្គម

1. រដ្ឋាភិបាលជប៉ុន បានផ្តល់ជំនួយឥតសំណងជាង ២៦ម៉ឺនដុល្លារ សម្រាប់ដំឡើងបរិក្ខាពេទ្យ នៅក្នុងមន្ទីរពេទ្យបង្អែក ស្រុកក្រូចឆ្មារ ដែលនឹងរួមចំណែកក្នុងការដំឡើងកម្រិតមន្ទីរពេទ្យ ពីកម្រិត១ ទៅកម្រិត២ និងទទួលបានការព្យាបាលប្រសើរជាងមុន។ ប្រភព៖ សារព័ត៌មានថ្មីៗ
2. រដ្ឋមន្ត្រីក្រសួងមហាផ្ទៃ បានស្នើភាគីឥណ្ឌា ដើម្បីពិនិត្យលទ្ធភាពពង្រឹង នងពង្រីងកិច្ចសហប្រតិបត្តិការជាមួយ សាកលវិទ្យាល័យកំចាយមារ លើជំនាញបច្ចេកវិទ្យាព័ត៌មាន ដើម្បីរួមចំណែកពង្រឹងការអប់រំ។​ ប្រភព៖ ទីភ្នាក់ងារសារព័ត៌មានកម្ពុជា
3. មន្ទីរសាធារណ និងដឹកជញ្ជូនខេត្តកណ្ដាល នឹងចុះរៀបចំសណ្ដាប់ធ្នាប់លើចំណីផ្លូវជាតិលេខ ២១ និងធ្វើការរៀបចំសណ្ដាប់ឡើងវិញ ចំពោះករណីការរំលោភបំពានមកលើផ្លូវសាធារណៈ ការតសំយាបមកលើចំណីផ្លូវ និងបញ្ហាផ្សេងៗ។ ប្រភព៖ Fresh News