បញ្ហាសង្គម និងការអភិវឌ្ឍ

អ្នកនិពន្ធ លោកបណ្ឌិត អ៊ុន លាង គឺជាព្រឹទ្ធបុរសមហាវិទ្យាល័យសង្គមសាស្រ្ត និងមនុស្សសាស្រ្ត នៃសាកលវិទ្យាល័យភូមិន្ទភ្នំពេញ និងជាសមាជិកក្រុមប្រឹក្សាភិបាលនៃមជ្ឈមណ្ឌលអភិវឌ្ឍន៍កម្ពុជា។ អំពីទស្សនៈអ្នកនិពន្ធ តាមទស្សនវិស័យទស្សនវិជ្ជា នៅសម្បកខាងក្រៅ កម្ពុជាត្រូវបានមើលឃើញជានិម្មិតរូបនៃ “ប្រទេសកំពុងអភិវឌ្ឍន៍” ប៉ុន្តែនៅខាងក្នុង ភាពមិនច្បាស់លាស់/ច្របូកច្របល់កំពុងរីកធំឡើងៗ។ ពលរដ្ឋកម្ពុជាកំពុងធ្វើដំណើរលឿនទៅៗ ទៅក្នុងពិភពមិនច្បាស់លាស់/ច្របូកច្របល់។ មួយផ្នែកធំនៃបញ្ហាគឺថា ពួកគេត្រូវបានកាត់ផ្តាច់យ៉ាងឃោរឃៅព្រៃផ្សៃចេញពីប្រវត្តិសាស្រ្ត និងធនធានបញ្ញាជា “ប្រពៃណី” របស់ខ្លួន ចាប់តាំងពីសម័យអាណានិគមនិយម និងជាពិសេសក្នុងអំឡុងរបបខ្មែរក្រហម។ លើសពីនេះទៀត កម្មវិធីដែលព្យាយាមបណ្តុះបញ្ញាជនដោយការនាំចូលនូវចំណេះដឹងបែបបស្ចិមប្រទេស មិនអាចជួយអ្វីបានទេ គឺបានតែនាំឲ្យអ្នកគិតខ្មែរឃ្លាតកាន់តែឆ្ងាយពីសង្គមរបស់ខ្លួនថែមទៀត។ ជាយថាហេតុ នាពេលនេះ…

ទស្សនៈអ្នកនិពន្ធ អំពី “ការអភិវឌ្ឍនៅកម្ពុជា” ដោយបណ្ឌិត ជេរឺមី រ៉ាប់ផ្លៃ សាស្រ្តាចារ្យរងនៃសាកលវិទ្យាល័យក្យុតុ ប្រទេសជប៉ុន ដែលត្រូវបានបកប្រែ និងកែសម្រួលដោយ បណ្ឌិត អ៊ុន លាង ព្រឹទ្ធបុរសមហាវិទ្យាល័យសង្គមសាស្រ្ត និងមនុស្សសាស្រ្ត នៃសាកលវិទ្យាល័យភូមិន្ទភ្នំពេញ និងជាសមាជិកក្រុមប្រឹក្សាភិបាលនៃមជ្ឃមណ្ឌលអភិវឌ្ឍន៍កម្ពុជា។ — នាពេលបច្ចុប្បន្ននេះ វាងាយស្រួលណាស់ក្នុងការបោះបង់ចោលមុខវិជ្ជាទស្សនវិជ្ជា និងទ្រឹស្តីអភិវឌ្ឍន៍ ថា “វានៅលើមេឃ” មិនមានការពាក់ព័ន្ធនឹងពិភពជាក់ស្តែង។ មនុស្សភាគច្រើននឹងអះអាងថា កម្ពុជានាសហសម័យត្រូវការវិទ្យាសាស្រ្ត ត្រូវការបច្ចេកវិទ្យា និងត្រូវការបស្ចិមប្រទេសនីយកម្មច្រើនបន្ថែមទៀត ដើម្បី “តាមឲ្យទាន់”…