អ្នកនិពន្ធ
បណ្ឌិត អ៊ុន ឃាង គឺជាសាស្រ្តាចារ្យផ្នែកវិទ្យាសាស្ត្រនយោបាយ នៅសាកលវិទ្យាល័យ Northern Illinois សហរដ្ឋអាមេរិក និងជាសមាជិកក្រុមប្រឹក្សាភិបាលនៃមជ្ឈមណ្ឌលអភិវឌ្ឍន៍កម្ពុជា។
អំពីទស្សនៈអ្នកនិពន្ធ
ការដាក់សម្ពាធរបស់អាមេរិកមកលើកម្ពុជាក្នុងរូបភាពជាទណ្ឌកម្មនានា គឺជាផ្នែកមួយនៃយុទ្ធសាស្រ្ដអាមេរិកក្នុងការបិទខ្ទប់ចិន។ ជាក់ស្ដែង ទណ្ឌកម្មការនាំចេញនាំចូលសព្វាវុធរបស់អាមេរិកមកលើកម្ពុជា នាពេលថ្មីៗនេះ កាន់តែបញ្ជាក់អំណះអំណាងនេះកាន់តែច្បាស់បន្ថែមទៀត។ យ៉ាងណាមិញ ទណ្ឌកម្មការនាំចេញនាំចូលសព្វាវុធមក កម្ពុជានេះ គ្រាន់តែជានិមិត្តរូបតែប៉ុណ្ណោះ ដោយសារអាមេរិកមិនមែនជាអ្នកផ្គត់ផ្គង់គ្រឿងសព្វាវុធដល់កម្ពុជានោះទេ។ ផ្ទុយទៅវិញ វាជាសកម្មភាពដែលជ្រៀតជ្រែកដល់សិទ្ធិរបស់កម្ពុជា ក្នុងការធ្វើកិច្ចការបរទេសរបស់ខ្លួនយ៉ាងច្បាស់។ នៅពេលនេះ តើកម្ពុជាគួរត្រៀមខ្លួនបែបណាដើម្បីទប់ទល់នឹងឥទ្ធិពលនៃការប្រកួតប្រជែងភូមិសាស្រ្ដរបស់មហាអំណាច?
