MORNING NEWS BRIEF [AUGUST 15, 2023]

ព័ត៌មានសំខាន់ៗ

1. ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត គ្រោងនឹងធ្វើដំណើរទស្សនកិច្ចជាផ្លូវការទៅប្រទេសចិន ដើម្បីចូលរួមពិព័រណ៍ចិន-អាស៊ាន នៅខែកញ្ញា ឆ្នាំ២០២៣ ខាងមុខ។ ប្រភព៖ ភ្នំពេញប៉ុស្តិ៍
2. តួកម៉េនីស្ថាន បង្ហាញបំណងក្នុងការពង្រឹងកិច្ចសហប្រតិបត្តិការលើវិស័យទេសចរណ៍ជាមួយកម្ពុជា និងការភ្ជាប់ជើងហោះហើរត្រង់ ដើម្បីជំរុញលំហូរនៃភ្ញៀវទេសចររវាងប្រទេសទាំងពីរ។ ប្រភព៖ Fresh News
3. ក្រុមប្រឹក្សាអភិវឌ្ឍន៍កម្ពុជា និង UNESCO ប្រចាំកម្ពុជាបានបើកកិច្ចពិភាក្សាលើការរៀបចំក្របខ័ណ្ឌកិច្ចសហប្រតិបត្តិការអភិវឌ្ឍន៍ដោយចីរភាពរបស់អង្គការសហប្រជាជាតិ ២០២៤-២០២៨។ ប្រភព៖ ភ្នំពេញប៉ុស្តិ៍

ព័ត៌មាននយោបាយ

1. មន្ត្រីជាន់ខ្ពស់របស់គ.ជ.ប ថ្លែងថាភាពជោគជ័យនៃការបោះឆ្នោតជ្រើសតាំងតំណាងរាស្រ្តឆ្នាំ២០២៣ បានអនុវត្តយ៉ាងខ្ជាប់ខ្ជួនគោពទៅតាមរដ្ឋធម្មនុញ្ញ និងច្បាប់ស្តីពីការបោះឆ្នោត។ ប្រភព៖ ភ្នំពេញប៉ុស្តិ៍
2. រដ្ឋមន្ត្រីក្រសួងការបរទេស បានថ្លែងអំណរគុណចំពោះចិន លើការគាំទ្រសម្រាប់ការអភិវឌ្ឍ និងរបៀបវារៈសំខាន់ៗរបស់កម្ពុជា និងបញ្ជាក់ជំហរកម្ពុជាក្នុងការគាំទ្រគោលនយោបាយចិនតែមួយ។ ប្រភព៖ ខ្មែរថាមស៍
3. អ្នកវិភាគគោលនយោបាយនៃរាជបណ្ឌិត្យសភា បានលើកឡើងថាដំណើរទស្សនកិច្ចរបស់រដ្ឋមន្ត្រីការបរទេសចិន មកកម្ពុជានឹងជំរុញភាពជាដៃគូយុទ្ធសាស្ត្រគ្រប់ជ្រុងជ្រោយកម្ពុជា-ចិន។ ប្រភព៖ ខ្មែរថាមស៍

ព័ត៌មានសេដ្ឋកិច្ច

1. ក្នុងរយៈពេល៧ខែនៃឆ្នាំ២០២៣ ពាណិជ្ជកម្មទ្វេភាគីរវាងកម្ពុជា និងចិនសម្រេចបានក្នុងទំហំទឹកប្រាក់ប្រមាណ ៨១៥លានដុល្លារ កើនឡើង១៦% បើធៀបនឹងរយៈពេលដូចគ្នាក្នុងឆ្នាំ២០២២។ ប្រភព៖ ភ្នំពេញប៉ុស្តិ៍
2. ក្នុងរយៈពេល៧ខែនៃឆ្នាំ២០២៣ ពាណិជ្ជកម្មទ្វេភាគីរវាងកម្ពុជា និងអាម៉េរិក សម្រេចបានក្នុងទំហំទឹកប្រាក់ប្រមាណ ៥,៣ពាន់លានដុល្លារថយចុះ ១០% បើធៀបនឹងរយៈពេលដូចគ្នាក្នុងឆ្នាំ២០២២។ ប្រភព៖ ភ្នំពេញប៉ុស្តិ៍
3. មន្ត្រីជាន់ខ្ពស់ក្រសួងទេសចរណ៍ បានថ្លែងថាកម្ពុជាមានសុទិដ្ឋិនិយមថានឹងទទួលបានភ្ញៀវទេសចរអន្តរជាតិក្នុងកម្រិតមុនកូវីដ១៩ ពោលគីប្រមាណ ៧លាននាក់ក្នុងឆ្នាំ២០២៥ ឬ ២០២៦។ ប្រភព៖ Fresh News

ព័ត៌មានសង្គម

1. រដ្ឋមន្ត្រីក្រសួងអប់រំ ថ្លែងថា ក្រសួងបាននិងកំពុងដាក់ចេញយុទ្ធសាស្ត្រពង្រឹងប្រព័ន្ធអប់រំឱ្យកាន់តែមានប្រសិទ្ធភាព និងស្តង់ដារនៅគ្រប់កម្រិត ដើម្បីឆ្លើយតបនឹងបរិការណ៍ជាតិ និងអន្តរជាតិ។ ប្រភព៖ AMS News
2. អន្តរក្រសួង បានចុះអនុស្សរណៈយោគយល់ ​ដើ​ម្បី​ពង្រឹ​ង​កា​រ​​គ្រ​ប់​គ្រ​ង​ស្ថា​នី​យផ្ទេ​រ​ ​និ​​ង​​​ទី​លា​ន​​ទុក​ដា​ក់​សំ​រា​ម​ និង​សំ​ណ​ល់​រឹង​ ឱ្យស្របតាម​​ល​​ក្ខណៈ​ប​ច្ចេ​ក​​​ទេ​​​​ស​ត្រឹម​ត្រូ​វ​​​​។​ ប្រភព៖ ភ្នំពេញប៉ុស្តិ៍
3. ក្រសួងធនធាទឹក បានជូនដំណឹងស្តីពីស្ថានភាពធាតុអាកាស ថានឹងមានភ្លៀងធ្លាក់ពីតិចទៅបង្គួរជាមួយនឹងខ្យល់កន្ត្រាក់ ចាប់ពីថ្ងៃទី១៦-២២​ ខែសីហា ខាងមុខ។ ប្រភព៖ Fresh News