MORNING NEWS BRIEF [DECEMBER 01, 2022]

ព័ត៌មានសំខាន់ៗ

1. កម្ពុជា បានឈ្នះក្តីលើបណ្តឹងតវ៉ា ចំពោះសេចក្តីសម្រេចរបស់គណៈកម្មការអឺរ៉ុប ដែលបានដកហូតការអនុគ្រោះពន្ធ សម្រាប់ការនាំចូលអង្ករគ្រាប់វែង ពីកម្ពុជាទៅកាន់សហភាពអឺរ៉ុប។ ប្រភព៖ Fresh News 
2. សម្តេចតេជោ បានថ្លែងថាក្រុមហ៊ុនតូយ៉ូតា នឹងដំឡើងរោងចក្រនៅតំបន់សេដ្ឋកិច្ចពិសេសភ្នំពេញ ដែលជាសមិទ្ធផលនៃកត្តាសន្តិភាព និងភាពអំណោយផលនៃការវិនិយោគនៅកម្ពុជា។ ប្រភព៖ ស្ថានីយទូរទស្សន៍ បី ធី វី 
3. ខេត្តកំពង់ឆ្នាំ និង ក្រុង Bussy-Saint-Georges ប្រទេសបារាំង បាន ចុះហត្ថលេខាលើកិច្ចព្រមព្រៀងកិច្ចសហប្រតិបត្តិការអភិវឌ្ឍន៍ និងវិនិយោគនៃក្រុង និងខេត្តទាំងពីរឱ្យកាន់តែរីកចម្រើន។ ប្រភព៖ ភ្នំពេញប៉ុស្តិ៍

ព័ត៌មាននយោបាយ

1. អគ្គមេបញ្ជាការនៃកងយោធពលខេមរភូមិន្ទ និងសេនានុព័ន្ធអង់គ្លេស បានពិភាក្សាពីការបង្កើនកិច្ចសហប្រតិបត្តិការយោធា និងការស្នើបង្កើតនិវេសដ្ឋានយោធាអង់គ្លេសប្រចាំកម្ពុជា។ ប្រភព៖ ទីភ្នាក់ងារសារព័ត៌មានកម្ពុជា
2. កងកម្លាំងការពារព្រំដែនលេខ៦០១ បានបន្តសកម្មភាពល្បាត និងត្រួតពិនិត្យភូមិសាស្ត្រព្រំដែនកម្ពុជា-វៀតណាម ដើម្បីតាមដានសភាព​ការ​ណ៍​ និងទប់ស្កាត់រាល់បទល្មើសផ្សេងៗ។ ប្រភព៖ ទីភ្នាក់ងារសារព័ត៌មានកម្ពុជា
3. អភិបាលខេត្តព្រះវិហារ​ បានដឹកនាំគណៈប្រតិភូចូលរួមកិច្ចប្រជុំពិភាក្សា ស្តីពីទំនាក់ទំនងការអភិវឌ្ឍកម្ពុជា-ថៃ ដើម្បីជំរុញសាមគ្គី-ភាព និងសហប្រតិបត្តិការរវាងប្រទេសទាំងពីរឱ្យកាន់តែរឹងមាំ។ ប្រភព៖ ស្ថានីយ៍ទូរទស្សន៍ ប៊ី ធី

ព័ត៌មានសេដ្ឋកិច្ច 

1. ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគចំនួន ០៣បន្ថែម ក្នុងទំហំទឹកប្រាក់ប្រមាណ ៧លានដុល្លារអាមេរិក នៅក្នុងតំបន់សេដ្ឋកិច្ចពិសេសខេត្តព្រះសីហនុ។ ប្រភព៖ ខ្មែរថាមស៍
2. រដ្ឋមន្ត្រីក្រសួងពាណិជ្ជកម្ម បានលើកទឹកចិត្តឱ្យមានការវិនិយោគ បន្ថែម ពីសំណាក់វិនិយោគិនជប៉ុនមកកាន់តំបន់អាស៊ាន និងជាពិសេសប្រទេសកម្ពុជា។ ប្រភព៖ សារព័ត៌មានដើមអម្ពិល
3. ក្រសួងពាណិជ្ជកម្ម បានបញ្ជាក់ពីការអភិវឌ្ឍវិស័យកម្មសិទ្ធិបញ្ញាពាណិជ្ជកម្មនៅក្នុងស្រុក តាមរយៈការដាក់ចេញផែនការសកម្ម-ភាព ដែលកំណត់ជាអាទិភាពរបស់រដ្ឋាភិបាល។ ប្រភព៖ ភ្នំពេញប៉ុស្តិ៍

ព័ត៌មានសង្គម

1. កម្ពុជា កំពុងកែសម្រួលនីតិវិធីអនុញ្ញាតឱ្យអ្នកផ្ទុកមេរោគអេដស៍ ទាំងអស់ទទួលបានការគាំពារសង្គម តាមរយៈការផ្តល់បណ្ណសមធម៌ ឬបណ្ណក្រីក្រ។ ប្រភព៖ ខ្មែរថាមស៍
2. ក្រសួងវប្បធម៌ និងអភិបាលក្រុង Bussy saint George ប្រទេសបារាំង បានជួបពិភាក្សាជុំវិញការពង្រឹងកិច្ចសហប្រតិបត្តិការក្នុងវិស័យអប់រំ និងវប្បធម៌រវាងប្រទេសទាំងពីរ។ ប្រភព៖ ស្ថានីយ៍ទូរទស្សន៍ ប៊ី ធី វី
3. អឺរ៉ុប នឹងបន្តគាំទ្រកម្មវិធីអភិវឌ្ឍន៍សមត្ថភាពសិស្សផ្នែកអប់រំបច្ចេកទេស ដើម្បីលើកកម្ពស់គុណភាពអប់រំ​បច្ចេកទេស​កម្រិតមធ្យមសិក្សាទុតិយភូមិ តាមវិទ្យាល័យចំណេះទូទៅ។ ប្រភព៖ ស្ថានីយ៍ទូរទស្សន៍ ប៊ី ធី វី