អ្នកនិពន្ធ បណ្ឌិត អ៊ុន ឃាង គឺជាសាស្រ្តាចារ្យផ្នែកវិទ្យាសាស្ត្រនយោបាយ នៅសាកលវិទ្យាល័យ Northern Illinois  សហរដ្ឋអាមេរិក និងជាសមាជិកក្រុមប្រឹក្សាភិបាលនៃមជ្ឈមណ្ឌលអភិវឌ្ឍន៍កម្ពុជា។ អំពីទស្សនៈអ្នកនិពន្ធ ការប្រកាសកិច្ចព្រមព្រៀងភាពជាដៃគូសន្ដិសុខត្រីភាគី រវាងអាមេរិក ចក្រភពអង់គ្លេស និងអូស្រ្ដាលី នៅដើមខែកញ្ញា កន្លងមកនេះបានធើ្វប្រទេសជាច្រើនមានការភ្ញាក់ផ្អើល។ នៅក្រោមកិច្ចព្រមព្រៀងនេះ អូស្រ្ដាលី រំពឹងថានឺងទទួលបានការផ្ទេរបច្ចេកវិទ្យាយោធាទំនើបពីអាមេរិក ដើម្បីពង្រឹងកម្លាំងការពារបន្ថែម ដែលក្នុងនោះរួមមានការផលិតនាវាមុជទឹកដើរដោយថាមពលនុយក្លេរអ៊ែរ យ៉ាងហោចណាស់ ៨ គ្រឿង។ បើទោះបីជាការប្រកាសនេះបង្កឱ្យមានការភ្ញាក់ផ្អើលក្ដី វាជាអ្វីដែលត្រូវបានគេរំពឹងទុករួចមកហើយ។ ជាមួយនឹងកំណើនសេដ្ឋកិច្ចជាបន្តបន្ទាប់ និងការកើនឡើងនៃអំណាចរបស់ចិន អាមេរិក បានពង្រឹងទំនាក់ទំនងទ្វេរភាគីជាមួយបណ្ដាប្រទេសនៅអាស៊ី-ប៉ាស៊ីហ្វិក ជាបន្តបន្ទាប់ ដើម្បីខ្ទប់ឥទ្ធិពលចិន ក្នុងនោះរួមមានការបង្កើត QUAD…