អំពីអ្នកនិពន្ធ
*ឯកឧត្តម ទាន សំណាង គឺជាអគ្គនាយកនៃក្រុមស្រាវជ្រាវ វិភាគ និងព្យាករណ៍ នៃក្រសួងការបរទេស និងសហប្រតិបត្តិការអន្តរជាតិ។
** លោក រស់ សយម្ភូ គឺជានិស្សិតថ្នាក់បណ្ឌិតច្បាប់អន្តរជាតិ នៃសាកលវិទ្យាល័យ Aberdeen ចក្រភពអង់គ្លេស។
អំពីទស្សនៈអ្នកនិពន្ធ
កម្ពុជាបានចាកចេញពីរបបប្រល័យពូជសាសន៍ និងបានវិលត្រលប់មកកាន់មាគ៌ាស្តារអភិវឌ្ឍ មុខមាត់ប្រទេសជាតិឡើងវិញក្រោយឆ្នាំ១៩៧៩ ក៏ប៉ុន្តែសន្តិភាព និងវឌ្ឍនភាពពិតប្រាកដទើបកើតមាននៅឆ្នាំ១៩៩៨ ប៉ុណ្ណោះ។ ក្រោយមកបានប្រែក្លាយខ្លួនសន្សឹមៗ រហូតមានសង្គតិភាពក្នុងការអភិវឌ្ឍក្នុងរយៈពេលជាង ២ទសវត្សរ៍ចុងក្រោយនេះ។ កម្ពុជាបានឆ្លងកាត់សោកនាដកម្មដ៏អាក្រក់ តែកម្ពុជានៅតែមិនបានប្រែក្លាយជាចិត្តអាក្រក់ទេ។ ផ្ទុយទៅវិញ ការណ៍នេះបានក្លាយជាកម្លាំងចិត្តជំរុញអោយមានការអភិវឌ្ឍ និងលើកកម្ពស់មុខមាត់បន្ថែមទៀត ដែលទាំងនេះ យុវជនជាអ្នកបន្តវេនគួរត្រូវយកចិត្តទុកដាក់ និងបន្តមាគ៌ាដ៏ត្រឹមត្រូវនេះ។ តើយុវជនកម្ពុជា បាននិងកំពុង និងគួរដើរតួនាទីបែបណាខ្លះនៅក្នុងការងារការបរទេស?
