សិក្ខាសាលាស្តីពី៖ “ការត្រៀមខ្លួនសម្រាប់ជីវិតជានិស្សិតនៅថ្នាក់ឧត្តមសិក្សា”

 

អំពីកម្មវិធី

ការផ្លាស់ប្តូរពីការសិក្សារបស់សិស្សពីកម្រិតមធ្យមសិក្សា មកកាន់កម្រិតឧត្តមសិក្សា តែងតែជួបប្រទះនឹងបញ្ហាប្រឈមមួយចំនួន ដែលតម្រូវឱ្យពួកគេព្យាយាមសម្របទៅតាមការផ្លាស់ប្តូរនេះ ដូចជាការរៀបចំពេលវេលា និងវិធីសាស្រ្តនៃការសិក្សា។ ដោយសង្កេតឃើញពីភាពចាំបាច់សម្រាប់ប្អូនៗសិស្សានុសិស្ស មជ្ឈមណ្ឌលអភិវឌ្ឍន៍កម្ពុជា នឹងរៀបចំសិក្ខាសាលាស្តីពីការត្រៀមខ្លួនសម្រាប់ជីវិតជានិស្សិតនៅថ្នាក់ឧត្តមសិក្សា ដែលមានគោលដៅក្នុងការណែនាំដល់សិស្សដែលទើបបញ្ចប់ថ្នាក់វិទ្យាល័យ និងនិស្សិតឆ្នាំមូលដ្ឋាន ដើម្បីឱ្យពួកគាត់មានជំនាញអាចត្រៀមខ្លួន ក្នុងការកាត់បន្ថយបញ្ហាប្រឈមទាំងនោះ។