MORNING NEWS BRIEF [April 26, 2022]

ព័ត៌មានសំខាន់ៗ

1. សម្តេចតេជោនាយករដ្ឋមន្ត្រី បានអំពាវនាវ ក្នុងវេទិកាទឹកអាស៊ី-ប៉ាស៊ីហ្វិក ឱ្យប្រទេសក្នុងតំបន់ ពង្រឹងកិច្ចខិតខំ ប្រឹងប្រែងរួមគ្នាគ្រប់គ្រងធនធានទឹកឱ្យមានចីរភាព ព្រោះធនធានទឹកកាន់តែថយចុះ។ ប្រភព៖ ភ្នំ​ពេញប៉ុស្តិ៍
2. រាជរដ្ឋាភិបាល បានប្រកាសការលើកលែង កាតព្វកិច្ចពាក់ម៉ាស់នៅទីសាធារណៈ បន្ទាប់ពីបានសង្កេតឃើញ អត្រាឆ្លងជំងឺកូវីត១៩ បានថយចុះក្នុងកម្រិតទាបបំផុត។ ប្រភព៖ ស៊ីស៊ីថាមស៍
3. មេបញ្ជាការកងទ័ពជើងគោក នឹងអញ្ជើញទៅបំពេញទស្សនកិច្ចនៅប្រទេសឡាវ ដើម្បីពង្រឹងទំនាក់ទំនងមិត្តភាពទ្វេភាគី និងរៀបចំផែនការទស្សនកិច្ចរបស់ សម្តេចតេជោនាយករដ្ឋមន្ត្រី។ ប្រភព៖​ ខ្មែរថាមស៍

ព័ត៌មាននយោបាយ

1. សម្ដេចតេជោនាយករដ្ឋមន្ត្រី បានអំពាវនាវឱ្យភាគីពាក់ព័ន្ធជំរុញកិច្ចសហប្រតិបត្តិការ ដើម្បីសម្រេចគោលដៅសហគមន៍គ្មានជំងឺគ្រុនចាញ់នៅឆ្នាំ២០២៥។ ប្រភព៖ ខ្មែរថាមស៍ 
2. នាយករដ្ឋមន្ត្រីជប៉ុន បានប្រកាសបន្តគាំទ្រការអភិវឌ្ឍកំពង់ផែទឹកជ្រៅខេត្តព្រះសីហនុ តាមរយៈការបន្តផ្ដល់ជំនួយសម្បទានអភិវឌ្ឍន៍មកកាន់កម្ពុជា។ ប្រភព៖ ភ្នំពេញប៉ុស្តិ៍
3. ប្រធាន គ.ជ.ប. ណែនាំគណៈកម្មការរាជធានី-ខេត្ត រៀបចំការបោះឆ្នោត ត្រូវស្នើសុំកិច្ចសហប្រតិបត្តិការជាមួយអាជ្ញាធរ ដើម្បីជំរុញការបោះឆ្នោតដោយរលូន។ ប្រភព៖ ភ្នំពេញប៉ុស្តិ៍

ព័ត៌មានសេដ្ឋកិច្ច 

1. ក្រសួងទេសចរណ៍ បានប្រជុំបូកសរុបលើការអនុវត្តន៍ផែនការស្តារវិស័យទេសចរណ៍ឡើងវិញក្នុងរយៈពេល ០៤ខែ កន្លងមក និងលើកទិសដៅការងារបន្ថែម។ ប្រភព៖ Fresh News
2. ក្រសួងពាណិជ្ជកម្មកម្ពុជា និងវៀតណាម បានជួបពិភាក្សាការងារតាមប្រព័ន្ធវីដេអូលើបញ្ហាពាណិជ្ជកម្មទ្វេភាគីមួយចំនួន ខណៈដែលការនាំចេញស្វាយចន្ទីមានការធ្លាក់ចុះ។ ប្រភព៖ កោះសន្តិភាព 
3. ការនាំចេញផ្លែឈើស្រស់របស់កម្ពុជា កំពុងជួបបញ្ហាប្រឈម ព្រោះតម្លៃដឹកជញ្ជូនទៅប្រទេសចិនបានកើនឡើងពី ២ ពាន់ដុល្លារ ដល់ ៨ ពាន់ដុល្លារ ក្នុងមួយទូកុងទ័នឺរ។ ប្រភព៖ Fresh News

ព៍ត៌មានសង្គម

1. ក្រសួងការងារ នឹងបន្តរៀបចំឱ្យភាគីតំណាងកម្មករ និងក្រុមហ៊ុនណាហ្គាវើលដ៍ ជួបគ្នាជាថ្មីនៅដើមខែឧសភា ខណៈការចរចាលើកទី៨ ពុំទទួលបានផ្លែផ្កាត។ ប្រភព៖ សារព័ត៌មានថ្មីៗ
2. រដ្ឋមន្រ្ដីក្រសួងប្រៃសណីយ៍ បានបញ្ជាក់ថា រាជរដ្ឋាភិបាលកំពុងធ្វើសេចក្ដីព្រៀងច្បាប់ស្ដីពីសុវត្ថិភាពអ៊ីនធឺណិត ឧក្រិដ្ឋកម្មតាមអ៊ីនធឺណិត និងច្បាប់ការពារទិន្នន័យផ្ទាល់ខ្លួន។ ប្រភព៖ ខ្មែរថាមស៍
3. ក្រសួងកសិកម្ម​ បានរំពឹងថាទិន្នផល​ត្រីបឹងទន្លេសាបនឹងមានការកើនឡើង ព្រោះការបង្រ្កាបបទល្មើសនេសាទផ្សេងៗមានភាពសកម្ម និងប្រសិទ្ធភាពខ្ពស់។ ប្រភព៖ វិទ្យុបារាំងអន្តរជាតិ